كيكة التمر
عشاق كيكة التمر وينكم ؟ وصفة اليوم سهلة ولذيذه فوق ماتتخيلون ...👍🏻
كيكة التمر
المكونات :
بخلاط الكأس
(كوب وربع تمر منقوع بكوب وربع ماء ربع ساعة)
بيضتين
ربع كوب سكر ابيض
ربع كوب سكر بني
علبة قشطة
نص كوب زيت
ربع ملعقة فانيلا
المكونات الجافة ( كوب ونص دقيق + ملعقة بكنج بودر + ربع ملعقة بيكربونات + شوي ملح + ربع ملعقة هيل +ربع ملعقة قرفة)
الصوص ( توفي وفستق جاهز )
الطريقة :
- نخلط بخلاط الكأس نضع البيض والسكر وعلبة القشطة والزيت وفانيلا ومنقوع التمر ونخلطه تمام
- ونخلط المواد الجافة مع بعض ونضيف لها خليط الكأس ونخلطه مع بعض وبصينية مدهونة زيت نضع الخليط وبفرن درجة حرارة ١٨٠ الرف الاوسط اخذ معاي ٢٠ دقيقة او حسب فرنك ونزينها بصوص جاهز التوفي والفستق وعين الجمل جدا لذيذ وسهل ......
صحتين وعافية على قلوبكم 💞💞
