بعجينة المسمن وحشوة اقتصادية زييني بهم مائدة رمضان   

العجين 

نصف كيلو دقيق ابيض و 100غرام دقيق فينو (سميد ناعم) خميرة الحلوى ملعقتين من الخل والملح نعجنوها بماء دافئ ندلكوها مزيان او نحتفظ بها في كيس بلاستيكي حتى تطلق 

الحشوة بصلة متوسطة نشحروها فشوية الزيت حتى تنزل ونضيف لها 4خيزو محكوكين نشحرهم مزيان نضيف لبزار والثوم الفلفلة حمرة الكامون دامة الحوت 2 فرمجات حك طون وشوية الزيتون مقطع نحركو الكل حتى تنساجم العناصر نخلوها تبرد 

ندوب مقدار من الزبدة مع شوية الزيت ونخلوها تبرد 

نرجع للعجين نعملوها كويرات متساوية نغطوهم بالزيت ونخلوهم شوية ونرجع نسرحوهم بالزبدة ونطووهم على شكل رغايف مربعين حتى نكمل الكمية وناخذ اول وحدة نسرحها ونقطعها شرائح نعمل معلقة فراس الشريط ونلفه ونستمر حتى نكمل ندهنهم بصفار البيض وشوية الفلفل الاحمر وقطرات من الخل ونفلحوهم وندخلوهم لفرن ساخن من قبل على نار مرتفعة ثم نقص عليهم النار ونخلهم يطيبوا ونزلهم لتحت يخذو اللون كيجيو مقرمشين لذاذ متشبعوش منهم 😋