طرطا ساهلة ماهلة بمكونات بسيطة وطريقة ابسط

 حلوة لاكريم جات فنة فنة فنة 🥰الحامض 🍋يعني الإنتعاش

بالنسبة للمقادير كنحتاجو 3الجنوازات من الاحسن باش يجيوكوم مقادين ولا كديرو وحدة وتقسموها

لكل جينواز كنحتاجو

جوج بيضات

نص كاس سنيدة

قبصة ملح

فاني

كنطلعو هادشي مزيان تاكيضاعف الخليط على 3 من بعد كنغربلو عليه نص كاس دقيق وجوج معالق نشا وكنديرو البابي سولفوريزي فالمول اللي فيه20 على 20

بالنسبة الكريمة استعملت لتر الا ربع كريمة الخفق كنزيد عليه 5ملاعق سكر وفاني وشوية نكهة الناطا اختيارية

بالنسبة للسيرو

جوج ك سكر .3كيسان ماء .حامضة مقطعة دوائر كنخليهم يطبخو على نار مهيلة نصف ساعة ويبرد السيرو مزيان

كندير طبقة جينواز طبقة كريمة تاكنكمل وكنديرها نص ساعة فالفريكو

بالنسبة لكريمة الليمون

نص كاس عصير الحامض

نص كاس ماء

نص كاس سكر

راس ملعقة نكهة الحامض

معلقة ك نشا كندير هادشي فوق البوطة مع التحريك تا يعقاد نطفي البوطة وندوب فيه ملعقة الزبدة نخليه يبرد نهائيا عاد نديرو من فوق الكيك وزينت الجوانب باللوز فيلي بالوريدات الحامض النعناع