جبت لكم اليوم كيفية تحضير مطيشة الحك في المنزل خالية من المواد الحافظة وإضافة مكون كيعطيها لون رائع والاضافات لتحضير الكتشوب او صوص بيتزا
جبت لكم اليوم كيفية تحضير مطيشة الحك في المنزل خيالية من المواد الحافظة وإضافة مكون كيعطيه لون رائع والاضافات لتحضير الكتشوب او صوص بيتزا
الطريقة:
غتشدي مطيشة شحال مبغيتي وغسليها وقطعيها فالنصف وحطيها فالكوكوط متقشرهاش خليها كيف ماهي غير قطعيها ورميها فالكوكوط غتشدي بصلة وقطعيها على ربعة وديرها معاها والسر داللون هي ''الباربة '' و الملحة وشعلي عليها البوطة مديري لها لماء لا والو وخليها طلق هي ماها خليها حتا طلق الما عاد سدي عليها وخليها تصفر
اه شوفو الباربة راه غير حبة وحدة كافيا والا كنتي مكترا مطيشة ديري زوج حبات وخلي لكوكوط تسفر منين تحسي بها دابت حليها وطحنيها بالميكسور و صفيها و رديها الكوكوط تعقاد وتشرب ونتي حركيها مرة مرة باش متلصق وهدي هي مطيشة دالحك
الا بغيتي ديريها صوص على حساب البيتزا منين طحنيها رديها طيب وزيدي عليها الزعتر والزيت البلدية وتومة مدقوقة ومتخليهاش تختر بزاف
اما الا بغيتي درها كيتشوب ديري معاها فلول حبة بطاطا والى كنتي مكترة ديري زوج حبات ومنين طحنيها وتسالي زيدي عليها معلقة سكر سنيدة وتخليهاش تختر بزاف حيت كيكون جاري
بالنسبة الباربة الا حليتي الكوكوط ولقيتها مزالة قاسحة حيديها ورميها مطحنهاش معا مطيشة اما الا كانت طايبة غير طحنيها
والا بغيتي تجيك خاترة بزاف زدي عليها معلقة النشا منين تكوني كاتحركها
وهاهي عندك مطيشة ديال الدار..
بالصحة☺
