كيكة الشكلاط المسقية او معلكة خفيفة رائعة فالمذاق

مكونات الكيك :

3 بيضات . كأس ونص سكر . كأس ونص حليب . كأس ونص زيت المائدة . سكر فاني . رشة ملح . 2خمارات كيماوية . 2ملاعق كبيرة

كاكاو مر .24قطعة من الشكلاط. 2كيسان او نص من الدقيق الأبيض أو نتوما على حسب الخليط أقل أو أكتر (العبار بكأس العنبة )

طريقة التحضير:

فكسرونة غادي نوضع الحليب السكر الزيت الملح فاني . كاكاو مر . ثم الشكلاط نخلط بالخلاط اليدوي ثم إلى النار مع تحريك المستمر حتى طلع الغلية من بعد نطفي عليه او نقص منو كأس العنبة ثم توضع الخليط فإيناء او نوضع البيض بوحدة بوحدة او نبقا نخلط بسرعة من بعد نضيف الدقيق يكون مغربل مع الخمارات ثم فمول مدهون بالزبدة او مرشوش بالدقيق أو الكاكاو نضيف الخليط ثم الى الفرن

نوضعوا  الكيك في فرن بارد ثم نشعلوا عليها تكون النار متوسطة حتى كطيب على خاطرها

من بعد ما كطيب مباشرة أو هي سخونة کنتقبها بالفرشيط او نسقيها بداك لصوص لي نقست من قبل ثم نخليها على جنب حتى تشرب مزيان

تزين الكيك

فكسرونة وضعت كأس حليب على النار حتى غلى أو طفيت عليه ثم وضعت فيه 150غ من الشكلاط نوعية جيدة كنحرك حتى ولا صوص شوكولا أو وضعتو من فوق الكيك ثم زينت بلي متوفر عندي او التزين كيبقا اختياري بالصحة و الراحة.