غريبة البهلة باللوز رائعة و سهلة

المقادير والطريقة 

كنحتاجو تلاتة زلايف فورص العبار بالزلافة العادية المتوسطة وميكونوش مقببين 

نفس لعبار زلافة زيت

زلافة سنيدة 

كاس عنبة لوز مطحون بقشورو انا كنعمر الكاس باللوز صحيح حتى يعمر كامل عاد كنطحنو غبرة 

وجوج خمارات دالحلوى 

كنخلط الدقيق والسكر واللوز ونزيد الزيت بالتدريج وحنا كنبسسو الخليط بيدينا حتى نساليو لكمية وتكون الزيت اندمجت مع المكونات مزيان نغطوها ونخلوها تبات ليلة كاملة ونزيدوا لها لخميرة ونكوروها كويرات بنفس الحجم ونستفهم فطاوة مدهونة او مفرشة بلبابيي سيلفرزي وندخلها للفران ايكون سخون من قبل مزيان وشاعل فوق وتحت ومندير الطاوة قريبة شوية للفوق على لتحت مكتجي تاخد لون دهبي وتشقق حتى كتكون طابت حتى من لتحت وكنخرجها وضروري كناكد على مسالة تخليها تبرد مزيان فالطاوة عاد نهزها بشوية لحقاش كتكون هشيشة بزاف.

 🤗 بصحتكم